Pakigsandurot

“MALUOY TA SA MGA PARI”

Huwebes Santo kadto, tin-aw pa kaayo sa panumduman ni Huwan ang nasinati niya niadtong hapon sa maong adlaw sa miaging tuig. Nagdali-dalu siya sa paglakaw paingon sa simbahan tungod kay sa iyang pangagpas hapit na mahuman ang Misa nga iya untang tambongan.

Daghan nang tawo ang nagpahimutang sa pagtindog daplin sa karsada samtang nagpaabot nga moagi ang prosesyon. Nadungog ni Huwan, gikan sa usa ka tawo nga nagbarog sa tunga sa usa ka eskina nga agianan sa prosesyon, ang mga pulong: “ Lima na hinuon kabuok ang atong pari, dugay na hinuon kaayo moabot ang prosesyon.”

Wala lang hatagi ug pagtagad ni Huwan ang maong kumentaryo apan sa dihang niabot siya sa simbahan iyang nasuta nga wala pa mahuman ang Misa ug sayo pa sad aron sugdan ang prosesyon. Hinuon iyang nakita ang mga sakop sa Parish Assistance Group kon PAG nga makugihon kaayong nangandam nga mahiluna ug mahapsay ang prosesyon.

Nahuman ang Misa ug nasugdan ang proseyon sa tukmang oras.

Karong umaabot na usab ang Semana Santa, nakapangutana si Huwan sa iyang kaugalingon : “Hapsay ba kaha gihapon ang han-ay sa prosesyon karon? Unsa na man sad kahay sayop nga makit-an sa mga tawong dali kaayo makapanaway ?”

“ Pananglit adunay mga kakulian nga mahitabo sa prosesyon, kinsa man kahay ilang pasanginlan, ilabi na nga na-obserbahan nga wala na magserbisyo karon ang PAG matag Domingo? Hai na man diay ang PAG?” Dugang mga pangutana ni Huwan sa kaugalingon.

Inagda sa kaikag nga madungog ang iyang mga kahingawa, nagdali si Huwan sa pagpahibawo sa mga nagdumala sa buhatan sa Hamiling Parokyano aron mapaabot ang iyang sugyot nga pangitaan ug paagi nga makatukod ug pundok nga moatiman sa pagpahiluna sa prosesyon karong umaabot Semana Santa. Kana kon tinuod nga wala nay PAG.

Matud ni Huwan, “ Maluoy ta sa mga pari kay mao intawon ang mapasanginlan…”

Huwan Yano
c/o Pakigsandurot
Email: huwanyano@gmail.com
Cell No. 09194406282

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: