EL SANTO ENTIERRO DEL CRISTO

Ang imahen El Santo Entierro del Cristo nga nailhan kaayo sa katawhan nga imahen sa Haya sa atong Ginoo, nahiabot sa atong parokya 90 anyos na ang milabay.
Gipadala ang maong imahen dinhi gikan sa Barcelona, España, ni Sor Fructuosa (Heruela Caña) atol sa iyang “perpetual vow”isip madre sa Monasteryo sa Hijas de Caridad dela Immaculada Concepcion niadtong 1920, sa wala pa ma-ordinahi sa pagkapari ang iyang igsoon nga si Fr. Ceferino Caña.
Kini silang duha mga anak ni El Cabeza Lope Caña ug Tarcela “Maestra Télang” Heruela nga nagpuyo sa dapit nga gitawag ug Tunghaan nga kanhi sakop sa Barrio Tungkop.
Sa pagdagan sa panahon,, gihipos ug giatiman sa mga sakop sa maong pamilya ang nahisgotang imahen , hangtud nga napasa ang pagdumala niini gikan sa ilang inahan, ngadto sa usa ka anak nga si Agatona, ug napasa pa gayud ngadto sa iyang igsoon nga si Andrea nga naminyo ngadto kang Francisco Villordon, sakristan mayor sa parokya sa ilang panahon.
Sa dihang mihalin na si Andrea sa laing kalibotan, nahidangat ngadto kang Juanito “Badiday” Villordon ang katungdanan sa pag-atiman sa maong imahen.
Ang tahas sa pagpadayon sa maong tradisyon sa pagkakaron, nahimutang ngadto sa banay sa mga Villordon nga gipangulohan ni Antonio “Sir Tony” Villordon, usa sa mga anak ni Andrea Caña ug Juanito Villordon.
Gituhoan nga sa mga tuig 1887 hangtud sa tuig 1919, adunay “gamayng haya ” nga gigamit ang parokya sa prosesyon sa Semana Santa, ug
nga gipanag-iya gihapon kadto sa banay ngaCaña/Heruela.
Sa mga pagtuki nga gihimo, wala na mahikaplagi ang maong gamayng imahen ug napiho nga ang dakong imahen El Santo Entierro del Cristo nga gipadala ni Sor Fructousa niadtong 1920, mao gihapon ang kasamtangang gigamit sa parokya.
Matag tuig, atol sa Semana Santa, hilom nga mag-abot ang mga kaliwat sa mga Caña, Heruela ug Villordon, uban sa ilang mga higala ug silingan, aron sa pag-adorno sa Carro sa maong imahen alang sa prosesyon.
El santo Entierro del Cristo: padayon gihapon nga naga-uban sa panaw sa pagtuo sa mga parokyanhon sa Parokya sa Putli nga Kasing-kasing ni Maria sulod na sa 90 ka tuig…
Salamat sa pamilya nga padayon nga nag-atiman niini.(ZAV/AC)

One Response to “EL SANTO ENTIERRO DEL CRISTO”

  1. hamiling parokyano Says:

    thank you sa comment… nakapahinumdom mi sa inyong mga kagahapon… be safe…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: