Bisita Sona Padayong Gihimo sa PPC

Gisugdan ug padayon karong gihimo sa mga sakop sa Pastoral Council ang Bisita Sona sa tibuok Parokya .
Nahitabo ang unang pagbisita niadtong Biyernes, Marso 5, 2010, alas 7:30 sa gabii, didto sa Sona 2, kapilya ni San Roque , Barangay Tulay.
Gitambongan kini sa mga opisyales sa matag kapilya, kauban ang ilang mga WESTY-Sc Ministrties, nga naglangkob sa mga kapilya nga sakop sa Sona 2.
Mikabat sa 22 ka mga tawo ang misalmot sa maong panagtagbo.
Ang maong kalihokan gipasiugdahan sa Parish Pastoral Council aron mapalig-on ug samot ang panagdugtong sa mga kadagkoan sa parokya ug sa mga opisyales sa mga kapilya sa matag Sona.
Gipaabot nga sa mga panagtigum nga mahitabo, mahatagan ug higayon ang mga tumatambong nga makapadayag sa ilang mga hunahuna aron mapadangat ngadto sa PPC ang mga suliran sa ilang mga kapilya .
Gipahibalo usab didto ang mga programa sa parokya nga subay sa mga kalihokan sa Worship, Education, Service, Temporalities, Youth, ug Social Communications ( WESTY- SC ) Ministries.
Mipahayag ang mga kadagkoan sa PPC nga ang usa sa dako nilang tinguha nga mahitabo sa parokya mao nga “mahimong functional sa tibuok tuig ang matag kapilya ,ug nga dili lamang unta panahon sa piyesta magmabulukon ang ilang mga kalihokan”.
Natapos ang paghimamatay ug panagbayloay sa hunahuna sa alas 9:00 sa gabii.
Ang sunod nga pagbisita ipahigayon sa sunod Biyernes, Marso 12, 2010 sa Sona 3, adto sa kapilya sa ISKP sa Barangay Tunghaan sa sama gihapon nga takna.Magpadayon ang Bisita Sona matag Biyernes hangtud malukop ang siyam (9) ka Sona dinhi sa tibuok Parokya sa Putli nga Kasingkasing ni Maria. (MO)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: